Lid van Veldeke?
As dejje mét ‘nen echte Limburger kaltj oeëver dialect és beej praktisch edereîn de reactie: “Det moog noeëts verloeëre gaon!”. Det és noow zjuust de doelstélling van de vereîniging Veldeke: ’t In stând haoje vanne plaatselike dialecte.
Inne provincie zeen daomej 11 regionaal kringe drök doondje. Um det doel inne belangstélling te haoje waere d’r woeërdebeuk uutgegaeve, dialect-aovendje georganizieërdj, cursusse gegaeve en zoeë mieër.
Veldeke Wieërt lutj zich daobeej flînk geldje. Vanaaf 1978 zeen d’r al beuk uutgegaeve mét alle verzameldje informatie, van beejname tot spraekwuuërd.
Wildje ’t wêrk van Veldeke oongerstuuëne, meldj uch dan aan as lid van Veldeke Limburg of as begunstiger van de krînk Wieërt.
Kontributie
De basiskontrebutie van Veldeke Limburg és € 20,- per jaor. Wieter kunne de krînge ‘n apaarte beejdrage vraoge um eige aktiviteite te beköstige. Vör oeëze krînk és di-j extra beejdrage € 5,- per jaor. Vör alles beejeîn € 25,- per jaor waerdje dus hieëlemaol oppe huuëgdje gehaoje via literatuur, website, aankondiginge van activiteite, enz.
Minse di-j allein mer de eîge krînk Wieërt wille stuuëne kunne “Begunstiger” waere vör ’n vreejwillige jaorlikse beejdrage.

