Aansloête beej Veldeke?
Veldeke gieët sieër 1926 vör instândhaojing van Limburgse dialecte. Eur dialect, eur moôdertaal, van hoês uut, és zoeë bezûnjer dejje dao ’t béste mej uutte veut kuntj.
Det dialect hoeëg haoje, és waat Veldeke Wieërt deut as ein vanne 10 kringe van Kuuëninklik Veldeke Limburg. Wildjae ouch hêlpe oeës eîge taal in ieëre te haoje dan kujje lid of begunstiger waere van oeës vereîniging.
Veldeke Wieërt és opgerichtj in 1978 en és sieër daen tiêd doondje mét ’t verzamele en daele van dialect, zoeëwi-j spraekwuuërd, beejname, verhaole en gedichte. Inne loup vanne jaore hebbe vae verschillendje beuk uutgegaeve en métte jaorlikse schuuërkalender hejjen ’t dialect aldaag in hoês. Ouch gaeve vae cursusse laeze en schriêve en éster vörre wichter ‘nen declamatiewédstriêd. Wieter hebbe vae ‘ne schriêverskrînk, ‘nen dialectwédstriêd, gaon vae same preuve en zoeë nog vanâl doeër ’t jaor.
Stieët ’t uch aan?
Sloêtj uch dan vandaag nog aan as lid of begunstiger van Veldeke en völtj eur gegaeves heej in.
Maaktj eur kuuëze
ongeraan ’t formeleer.
- Lid van Veldeke Limburg: € 25,00 per jaor (nao wieter bericht).
- Begunstiger van Veldeke Wieërt : minimaal € 17,50 per jaor (nao wieter bericht).
- Via automatisch incasso. In dit gevâl krieje e machtigingsformeleer towgesteurdj).
- Volg noow de cursus Laeze & Schriêve (völ ingângsdatum in). Gae kriegtj daorum ’t ieërste jaor as begunstiger gratis.