Naojaorscursus Laeze & Schriêve 2026

Naojaorscursus Laeze & Schriêve 2026.

Vae hebbe op dieënsdig 10 november de naojaorscursus Wieërtlands Laeze & Schriêve op ’n hieël schoeën meneer aafgesloeëte, opnoets in ’n vôl klas. Mét e getuûgschrift en ’nen hânddrök vanne meîster, mer ouch mét (völ) Wieërter vlaaj (dânke cursiste Els van Keulen, Peter Frencken en Ton Smolenaers) en ’nen echten Tripel van Triepels (gebrawwe doeër cursist Dennis Triepels).

‘ne Vuuërige kieër kwome d’r greun gekluuërdje ejkes van Laorder hinne oppen taofel, noow woorte ve dus weer verrasj mét lekker aete én drînke…

Op nao de now lichting van kaomendj vuuërjaor!

Vae gaon weer Preuve

Preuve

Vae gaon weer preuve mét Veldeke Wieërt.
’t És te doon op zoondig 13 december beej zaal Dennenoord aannen Iêzere Mân.
Vae beginne um 11.00 oor en sloête aaf roond 14.00 oor.

Ve hebbe  weer ’n oeteînloupendj dialectpregram mét zang en vuuërdracht.
Ónger ângere doeër twieë winnaars vannen Dialectpriês 2026.

Tössedoeër kunne ve neteurlik preuve vanne lekker hepkes van Marc en Els Creemers van Dennenoord.

Um in te schriêve vör dit Preuve, vraoge vae van uch um de köste van dieëze middig vuuëraaf aan os oeëver te make.

Lede betale zjuust wi-j vuuërig jaor € 22,50. Vör ‘nen introducé ésj € 25,00.
Gaer oeëvermake oppe Veldeke  IBAN-raekening
NL 53 RABO 01569 14352.

Betaling van ’t bedraag és inschriêving.
Zetj d’rbeej mét wi-jvöl persoeëne, dan és eur plekske beej Dennenoord gerizzervieërdj.

Vae staon weer vör uch klaor!