In oktoeëber startj ‘n now serie vanne Veldeke basiscursus Wieërtlands Laeze en Schriêve. Dieëze cursus op zés dieënsdigaovendje és bestumdj vör edereîn dae de basis wiltj lieëre van ‘t laeze en schriêve in ‘t Wieërtlands dialect.

Inne cursus waere de spelling en grammatica gebroêktj, zoeëwi-j opgenoeëme in oeës hendjige naoslaagwêrk uut 2023: Nog neet uutgekaldj – Woeërdeliêst van ’t Wieërtlands dialect. Dit book weurtj inne cursus gebroêktj. Ajje dit nog neet hetj kujje dit, as deîlnemer vanne cursus, bestélle doeër oeëvermaking vanne ledepriês van € 35,=.

Nao aafleêvering aan ‘t indj vanne cursus van ‘n eîge Meîsterwêrk krieje as deîlnemer ‘n officieel Getuûgschrift.
De cursusaovendje zeen in ‘n leslokaal van Keenterhart oppe volgendje data: 14-10, 21-10, 28-10, 04-11, 11-11 en 18-11 en startj um 19.30 oor. 

De köste zeen 110,= euro, exclusief book, te betale op Bânkraekening NL53RABO 01569 14352 tnv Veldeke Wieërt mét vermelding vanne cursusmaondj.

Meldj uch aan doeër e mailtje te steure nao info@veldekewieeert.nl. Doeër de betaling te doon ès de inschriêving vastgelagdj.
Wildjae nog mieër wieëte, steurtj os dan efkes ‘nen e-mail: info@veldekewieeert.nl