Béste minse,

Vae beginne ’t jaor in mineur. Intern wiste vae allang detj neet good ging mét de gezoondheid van oeëze ieërevuuërzitter; Jan Feijen. Nao e lânk gevecht hieët hae dieës werreldj, woeë hae zoeë völ van heel, motte achterlaote.

De verdeenste van Jan vör os en vör ’t Wieërter Lând zeen van onschatbaar waerde. Ziene groeëte kinnes van de regionaal dialecte hieët hae gelökkig vastgelagdj in dikke beuk, zoeëdet volgendje ginneraties heej nog volop van kunne profetieëre. Hae és ruum 20 jaor vuuërzitter van Veldeke Wieërt gewaesj en ouch zoeëlang hieëtte cursusse gegaeve um hoongerte minse beej te brînge wi-j ze eur dialect good koste schriêve. Zoeë lang asj mer effe ging és hae actief geblieéve binne oeës bestuur en leet zien meîning dudelik huuëre. ’t Zal vör os ’n hieël opgaaf zeen um dieës lieëg ruumdje op te völle.

Ve kunne noow allein mer verdreetig zeen, same mét zien femiêlie: Marly, Roel en Rose-Anne en de kleinkîndjer.Dette Jan de röst moog vînge di-j hae beej laeve noeëts gepaktj hieët.

Bestuur Veldeke Wieërt

vlnr | Har Sniekers, Paul Caquelein, Marjan Kilkens

Op ‘ne sfeervolle finale-aovendj in ‘ne volle zaal van Keenter Hart woeërt de Veldeke Poëziepriês 2023 uutgereiktj. ’t Aantal inzendinge loog e stök hoeëger as beej de 1e editie in 2022. In totaal 27 schriêvers uut hieël Midde-Limburg steurdje 36 wêrke in.

Juryvuuërzitter Frits Nies vong detter in verhaojing völ gedichte beej wore mét e serieus thema; zikdjes, stêrve, enz. Hae advizieërdje um de humor neet uut ‘t oug te verleze.
’t Programma woeërt muzikaal opgeloesterdj doeër de geweldjige zang van Esther Snijders uut Rooj.
As aafsloêting maakdje vuuërzitter Giel Bruijnaers d’n uutslaâg bekindj.
Winnaar waas Har Sniekers uut Thoear mét ’t gedicht Aojershoês. Oppe 2^e plaats kwoom Paul Caquelein uut Herte en de 3^e priês ging nao Marjan Kilkens uut Haelen.

Op dieëze zieër geslaagdje aovendj woeërt de foonkelnow website van Veldeke Wieërt inne löcht gebrachtj.
De reacties wore hieël positief: kleurriêk, oeëverzichtelik en inclusief webshop.
Âl mét âl ‘ne topaovendj vör Veldeke.

In een afgeladen Keenter Hart was zaterdag de regionale finale van de Veldeke declamatiewedstrijd, na de nodige voorrondes op de scholen zelf. Maar liefst 27 kinderen van de groepen 3 tot en met 8 beklommen het podium en brachten met verve hun gedichtjes.

Veldeke declamatiewedstrijd

Deze wedstrijd was weer een duidelijk bewijs dat het dialect nog leeft bij de jeugd. De volledige uitslag was:

Groep 3/4:
1. Lot Geerligs van IKC Leuken
2. Luna Strous van De Firtel uit Stramproy
3. Saar van Lier van De Schrank uit Ospel

Groep 5/6:
1. Sem Verspeek van OBS Molenakker
2. Esmee Hoeben van De Firtel uit Stramproy
3. Anne Peerlings van OBS Molenakker

Groep 7/8:
1. Luuk Cuijpers van De Kerneel uit Nederweert
2. Imke Keijers van De Firtel uit Stramproy
3. Mik Geerligs van IKC Leuken