Eîn pot naât
De keuning vanne wiêngaardslekke
haaj zien vaste oetgaonsplekke
En eins beej zoeë ‘ne oetgaonstiêd
raakdje hae ziene kroeën tow kwiêt
Hae zocht ‘m in d’n hieëlen hoof
en ouch temieër vör ziene zoeën
Want de regieëring haaj verklaordj
soonger kroeën neet oppe troeën
De keuning kwaam neet trök van zien tocht
want eine Pariese lekkerbek
Dae nao wiêngaardslekke zocht
stildje mét hem ziene lekkere trek
De kroeën vong me ouch noeëts mieër
de keuningszoeën woort gewoeën ‘menieër’
Hae és dezelfdje weeg as zie vader gegânge
‘ne kok heet ‘m vör zien kastrol gevânge
An Cuijpers-Rutjens, Ospel
Recente reacties