Schuuërkalender 2022

De Veldeke-schuuërkalender hieët zien vaste plaats gevoonge in hieël völ hoêshoajes binne ’t Wieërter lând. De editie vör 2022 is klaor en de ieërste kalender és op vriêdig 12 november uutgereiktj aan wéthaojer Tessa Geelen.

Ze ligke noow in alle bookwînkels in Wieërt en Ni-jwieërt.

Weer volges de beproofdje formule; vör edere daâg e spraekwoeërd of kwânt gezagdje (mét de beteîkenis) en e ‘woeërd vanne daâg’. De illustraties zeen dits kieër mét foto’s in kluuër uutgeveurdj en hebbe as thema de kepèlle in ’t Wieërter en Ni-jwieërter lând.

De populaire priês van € 12,50 és ‘tzelfdje as in vuuërgaondje jaore.

Echt wat um te hebbe of um cadeau te gaeve.

Doeërgaeve

Veldeke Wieërt deut alle mote um ’t gebroêk van oeës dialecte zoeë lang muuëgelik in stând te haoje.
Detj trökluiptj véltj neet te ontkinne en det keumtj mét name doeër de verângerendje samestélling vanne bevolking.
’t És vör os ’n uutdaging um di-j bezûndjer klânke van oeës dialecte zoeë breîd muuëgelik te laote huuëre, zoeëdetj neet gieët wi-j mét hieël völ wichterspuuëlkes.
 
 
Vreuger haaj de jeugd nog alle tiêd en plaats um boete oppe straot te spuuële en zelf now spuuëlkes uut te vînge. Det det wat gezonder woor as de digitaal spuuëlkes van allewiel spriktj vör zich.
 
 
Vae zeen hieël gelökkig mét ’t initiatief van Bart Maes (Art-is) um de aoj wichterspuuëlkes in e now jeske te staeke en uut te gaeve. De mieëste zeen neet mieër uut te veure en puur nostalgisch.
 
Effe trökdînke aan en glimlache um dae schoeënen tiêd van eur eîge onbezörgdje jeugd.
 
Auteurs: Huub van den Bosch en Jan Moonen
Illustraties: Linda van den Bercken
 
Völ plezeer d’rmej.
 
Veldeke Wieërt.
(Te koup beej o.a. de Bruna Weert en via www.weertzzz.nl )

’t Trûmperke nr. 28

’t Noetste nummer van oeës halfjaorliks tiêdschrift ’t Trûmperke és aanne Veldeke-lede gesteurdj.

Det és nummer 28 gewoeëre. Ouch bezeukers aan dieës website kunne ’t bukske doeërbladere,woeë in allerlej verslage, verhaole en gedichte mét völ foto’s zeen opgenoeëme.

Oonger ’t köpke ‘Uutgaves’ vingdje ‘ne knop vör ’t Trûmperke.

Trûmperke 27

’t Noetste nummer van oeës halfjaorliks tiêdschrift ’t Trûmperke és aanne Veldeke-lede gesteurdj.

Det és nummer 27 gewoeëre. Ouch bezeukers aan dieës website kunne ’t bukske doeërbladere,woeë in allerlej verslage, verhaole en gedichte mét völ foto’s zeen opgenoeëme.

Oonger ’t köpke ‘Uutgaves’ vingdje ‘ne knop vör ’t Trûmperke.

Kadootjes bestélle

In dieëze fieëstmaondj ésj vör völ minse ‘ne kleine râmp um neet te kunne gaon wînkele.

Ve wille deindânger toch gaer e plezeer doon op ’t indj van ’t jaor en kroêpe dan beejeîn um te fieëste.

Aan det alles és e kejhaard indj gemaaktj en ve moge hoeëpe det mét dieës maotregele os wieter leîd bespaardj blieftj.

Zjuust noow d’n herdrök van ’t verhäölkesbukske binne és ligktj alles plat. Ouch mét de schuuërkalender dreige ve te bliêve zitte.

Mer vae zeen neet vör eîn ‘corona’gaât te vânge.

Vae hebbe d’roeëver naogedachtj wi-j ve minse di-j eur kadootjes nog neet beejeîn hebbe toch e plezeer kunne doon. Det kân vreej eenvoudig:

steurtj ‘ne mail nao ’t sikkretariaatsadresinfo@veldekewieërt.nl mét eur bestélling (volledig adres!) en maaktj tegeliêkertiêd ’t passendje bedraâg oeëver nao oeës raekening: NL53RABO 0156914352, dan zörge vae dejje eur spulle binne de korste kieëre in hoês kriegtj.

En det tieëge plezeerige priêze: de schuuërkalenders koste € 10,00 per stök en ’t verhaolebukskes € 7,50.

Gae moogtj dieës aanbeejing gerösj aan femiêlie of kinnesse doeërgaeve.

Dit téltj neteurlik allein vör minse inne regio Wieërt/Ni-jwieërt/Rooj.

Minse van wieter ewég motte effe kontakt opneme um eventueel wat te regele (0495-537790).

Vae hoeëpe dejje ondanks alles toch plezeerige daag belaeftj en det ve in e now jaor revanche kunne neme.

Hertelike groete,

Veldeke Wieërt

Jan Moonen, sikkretaris