Declamatie 2014
Hâlf aprîl koste ve daovan de resultate zeen en weer wore ’t de schoeële van boete de stad zelf di-j dik inne mieërderheid wore mét ’t aantal daelnemers. Ni-jwieërt en Rooj reure flînk de trom en det és aanne uutslaâg te mêrke.
’t És e genot um te zeen wi-j wichter zich dao serieus op inlaeve en zich doeëdongelökkig veule asse effe eure tekst kwiêt zeen of wat vergaete.
Mer ’t blieftj ‘ne serieuze wédstriêd mét as bekroeëning daelname aanne Limburgse finale in mei. Bekans 30 wichter begoste aan ‘t ‘gevecht’ in 2 kategorieje, nl. groep 5 en 6 same en groep 7 en 8. ’ne Net zoeë serieuze jury kintj de pûnte tow op 5 ongerdaele, zoeë as haojing, mimiek en stumgebroêk.
Nao ‘ne spannendje middig mét völ variatie in gedichte kwoom de volgendje uutslaâg uut de bös en reikdje wéthaojer Harry Coolen de priêze uut.
Groep 5/6:
Gwen Niellissen van De Firtel uut Rooj- Pim Feijen van De Kerneel uut
Ni-jwieërt - Janis Briels van De Firtel uut Rooj
In groep 7/8 kwome as béste uut de bös:
- Sem Meevis vanne
Muuëlenakker - Lara Meulenbroeks van De Kerneel uut Ni-jwieërt
- Hieke Geelen van De Firtel uut Rooj
Vör ’t bestuur van de krînk Wieërt de opgaaf um volgendj jaor toch weer mieër schoeële binne te hale.
Recente reacties