Al jaorelânk doon ve cursusse um minse baeter dialect te lieëre schriêve en ’t zoeë oeëver te kunne drage aan volgendje ginneraties. Dao és völ belangstélling vör, zieëker vanuut de vastelaovendjvereîniginge oeëverâl.

De cursus és bedoeldj vör dialectspraekers uut de regio Wieërt en vae starte weer op dieënsdigaovendj 27 fibberwarie. Mét ‘n serie van 6 of 7 beejeînkomste kujje al prima oonger de veut uut um klânke te herkinne en te spelle.

Plaats van hândeling és ‘t multifunctioneel centrum Keenter Hart in Wieërt. Aanmelle vuuër 15 fibberwarie.

Vör wieter informatie kujje terecht beej ‘t sikkretariaat van Veldeke via:

Mail: info@veldekewieert.nl of tillefoon 0495-537790.

’t Noetste nummer van oeës halfjaorliks tiêdschrift ’t Trûmperke és aanne Veldeke-lede gesteurdj.

Det és nummer 21 gewoeëre. Ouch bezeukers aan dieës website kunne ’t bukske doeërbladere,woeë in allerlej verslage, verhaole en gedichte mét völ foto’s zeen opgenoeëme.

Oonger ’t köpke ‘Uutgaves’ vingdje ‘ne knop vör ’t Trûmperke.

Völ laesplezeer.