Schuuërkalender 2018

Schuuërkalender 2018

In völ hoêshaojes hieët sinds e paar jaor de schuuërkalender van Veldeke Wieërt ‘n vaste plaats gevoonge. Op 10 november hebbe vae de nowwe Schuuërkalender 2018 aangeboeëje aan wéthaojer Geert Gabriëls. Gae wétj neteurlik allang wi-j de kalender d’r uut zuût. Vör ederen daâg e schoeën gezagdje en ‘ ‘t woeërd vanne daâg’. As extra noow beej edere maondj ‘ne uutgebrédje oetlégk oeëver de beteîkenis van dae maondj. Det as vuuërluiper op oeës 40-jaorig bestaon in 2018.

Vanaaf noow ligktje inne wînkel beej:

  • Bruna in Wieërt
  • Bruna in Ni-jwieërt
  • Cigo van Bun inne Muntpassage
  • Primera Wouters op Moêzel

De priês és net zoeë bescheî-je as vuuërig jaor, n.l. € 12,50 per stök!!!

Profetieërtj heejvan dan hejje eur Sinterklaoskedo al binne!

PREUVE MÉT VELDEKE

Uutnuuëdiging

’t Experimênt van vuuërig jaor mét e muzikaal lunchprogramma és e groeët succes gewaesj.

Daorum gaon ve dao dit jaor mej doeër en zeeje welkom beej de now editie van:

PREUVE  MÉT VELDEKE

op zoondig 10 december van 11.00 tot 14.00 oor inne SooS oppe Mêrrentj in Wieërt.

’t Zal weer drejvoudig preuve waere, namelik aan dialect, aan meziek en aanne hertige werm hepkes di-j tössedoeër geservieërdj waere.

Vae staon garânt vör ‘n hoeëgstaondje muzikaal invölling. Speciale gast és nemes minder as de Graaf van Horne zelf, dae ’n tupke vanne slui-jer roond de groeëte musical in mei 2018 zal ophöffe.

Wieter wêrke mej:

  • Mark en Wilhelmien Fonteijn, stummingsmeziek
  • Esther Snijders, de geweldjige zangeres uut Rooj
  • Ruud Teunissen en Michiel Hendriks
  • Monique Knapen mét zien geveulige lidjes
  • Jean Stassen (!) en Maarten Lamerichs uut Ospel

Wildje dit zoondigmiddig-gebuuëre mejmake, same mét femiêlie of vreende, schrieftj dan oppentiêd in. As beejdrage vör ’t gehieël vraoge vae per persoeën € 15,00.

Steurtj vuuër 2 december eur aanmelding in via oeës mailadres: info@veldekewieert.nl          of tillefoonnummer 0495-537790. Tegeliêkertiêd mojje dan vör ’t opgegaeve aantal minse de beejdrage oeëvermake nao oeës IBAN-nummer: NL53RABO 0156914352.

Heej krieje gegarandieërtj geîne spiêt van!

Wachtj neet te lang, ’t aantal plaatse és bepêrktj en vuuërig jaor hebbe ve ’n aantal minse teluuër motte stélle. Vôl és vôl!!!