As krînk Wieërt moge ve waal zégke det ve ‘t ‘Jaor vanne dialecte’ good hebbe uutgebuitj. Ouch de jaoraafsloêting mocht d’r zeen.
Op 11 december zoot de zaal van brasserie De SooS herstikke vôl.
De gekoeëze formule; op zoondigemêrge preuve aan dialect, meziek en lekker hepkes veel beej ’t publiek bezûndjer inne smaak. Völ bekindje regionaal artieste, di-j de theatershow in juni tot zoeë e groeët succes maakdje, wore d’r weer beej. Ze zörgdje vör ’n gewêldjige sfeer en verlédje de minse regelmaotig tot mejzînge.
Korte humoristische filmkes oeëver dialectwuuërd verhuuëgdje ‘t ‘oonger os’ geveul nog wieter.
Gezeen alle enthousiaste reacties smaakdje dit dudelik nao mieër!