Vae make vör 2016 ‘ne Wieërter schuuërkalender mét aldaag ’n spruuëk of e gezagdje en eîn woeërd vanne daâg.

Um e bitje idee te hebbe vör de oplage kujje noow al vuuërrizzervieëre tieëge de priês van € 10,95.

Steurtj ‘ne mail nao : info@veldekewieert.nl mét eur adres, tillefoonnummer en aantal en gae kriegtj bericht wannieër en woeë dejje de kalenders t.z.t. kuntj aafhale en betale.

Rizzervieëre tot uterlik 15 november. Indj november ligke ze inne bookhândel vör € 13,95.

In ’t Munttheater belaefdje flitse uut 600 jaor Wieërt. Now tekste op prachtige meziek.

75 Wieërter joonges en maegtjes nemen uch op ’n ludieke meneer mej doeër de aoj en jonger historie.

Uutveuringe zeen op 6, 7 ,8 en 12, 13 en 14 november. Det moogdje neet misse!

“Lache van kaft tot kaft”. Fieëstelik programma in brasserie Antje vanne Statie vanaaf 14.00 oor.

Gerizzervieërdje bukskes aafhale of koupe vör € 15,-. Opbringst vör e good doel.

D’r és lang en haard aan gewêrktj mer ’t book oeëver ’t Wieërter kefeelaeve és aaf.

Twieëtalig nog waal, in ’t Wieërts en in ’t Nederlands. Op zaoterdig 7 november weuret geprizzentieërdj.

’t Serieus gedaeldje vanaaf 14.30 oor beej brasserie Antje vanne Statie en vanaaf 16.30 oor beej kefee de Tramhalt. Dao kujje gerizzervieërdje beuk aafhale of ’t gewoeën koupe.

Vanaaf maondjig 9 november kujje ouch terecht beej bookhândel Tindemans.