Veldeke stieët synoniem vör dialect. In 2016 bestieët de vereîniging Veldeke Limburg 90 jaor. Det és rieëje vör de Veldeke krînk Wieërt um fieëst te veere en det weurtj gedaon op zaoterdig 4 juni 2016 in ’t Munttheater in Wieërt. D’r és vör gekoeëze um ’t aodste nog bestaondje kefee van Wieërt nao te bawwe en dao binne zal e select gezelschap muzikaal gaste uut de regio optraeje.

Gae zeetj van herte welkom! In dit kefee waere de alledaagse dînger (uteraard in dialect) bezoonge mét laevendje meziek van de band Limbo Project.

Dit és ’n vuuërstélling vör de leefhebbers van dialectmeziek in diverse soeërte, woeëbeej de sfeer van e stamkefee en de gastvreejheid vanne kastelein d’rvör zulle zörge dejje uch vanaaf ’t ieërste memênt thoês veultj.

Uteraard és d’r e gratis pauzedrênkske mer nao aafloup vanne vuuërstélling ouch ’n hertig hepke en det és beej de lieëge entreepriês inbegrieëpe.

Kaarte a 15 euro kujje bestélle via de website van ’t Munttheater www.munttheater.nl of tillefonisch 0495-513575.