De waek nao de vastelaovendj és ‘ne groep cursiste van start gegânge mét de basiscursus Laeze en Schriêve.

De léste tiêd és d’r völ belangstélling vör dieëze cursus. Dieëze groep van 12 minse zal in 6 waeke kinnesmake mét de herkinning en spelling van alle klânke binne oeës Wieërtlandse dialecte. Det kân zeen in ’t stad-Wieërts, de boeteni-jje, Ni-jwieërt, Rooj, enz.

Zelf oefene és de béste meneer um ’t te lieëre. Aan ’t indj levere ze eur ‘meîsterwêrk’ in.

In aprîl/mei zal ‘ne volgendje groep starte. Leefhebbers daovör kunne zich melle beej ’t sikkretariaat: info@veldekewieert.nl of tillefonisch 537790.